ഇവരെ വീഴ്ത്താൻ ആരുണ്ട്? ചാമ്പ്യൻസ് ലീഗിൽ മാഞ്ചസ്റ്റർ സിറ്റിയുടെ റെക്കോർഡ്‌ കുതിപ്പ്

യുവേഫ ചാമ്പ്യൻസ് ലീഗിൽ സ്പാർട്ട പ്രാഹയെ എതിരില്ലാത്ത അഞ്ച് ഗോളുകൾക്ക് മാഞ്ചസ്റ്റർ സിറ്റി പരാജയപ്പെടുത്തി. ഈ വിജയത്തോടെ ചാമ്പ്യൻസ് ലീഗിൽ ഒരു റെക്കോർഡും മാഞ്ചസ്റ്റർ സിറ്റി നേടി.

യുവേഫ ചാമ്പ്യൻസ് ലീഗിൽ തോൽവിയറിയാതെ ഏറ്റവും കൂടുതൽ മത്സരങ്ങൾ കളിക്കുന്ന ടീമായാണ് മാഞ്ചസ്റ്റർ സിറ്റി മാറിയത്. 27 മത്സരങ്ങളാണ് ചാമ്പ്യൻസ് ലീഗിൽ മാഞ്ചസ്റ്റർ സിറ്റി തോൽവി അറിയാതെ ഇതുവരെ കളിച്ചത്. 

 മത്സരത്തിൽ മാഞ്ചസ്റ്റർ സിറ്റിക്ക് വേണ്ടി ഏർലിങ് ഹാലണ്ട് ഇരട്ട ഗോൾ നേടിക്കൊണ്ട് മികച്ച പ്രകടനമാണ് നടത്തിയത്. സ്റ്റോൺസ്, ന്യൂനസ്, ഫിൽ ഫോഡൻ എന്നിവരും മാഞ്ചസ്റ്റർ സിറ്റിക്ക് വേണ്ടി ലക്ഷ്യം കണ്ടു.

ഈ ജയത്തോടെ യുസിഎൽ പോയിന്റ് പട്ടികയിൽ മൂന്നു മത്സരങ്ങളിൽ നിന്നും രണ്ട് വിജയവും ഒരു സമനിലയും അടക്കം ഏഴ് പോയിന്റ് നേടി കൊണ്ട് മൂന്നാം സ്ഥാനത്ത് എത്താനും മാഞ്ചസ്റ്റർ സിറ്റിക്ക് സാധിച്ചു.

ഇംഗ്ലീഷ് പ്രീമിയർ ലീഗിൽ എട്ട് മത്സരങ്ങളിൽ നിന്നും ആറു വിജയവും രണ്ട് സമനിലയും അടക്കം 20 പോയിന്റുമായി രണ്ടാം സ്ഥാനത്താണ് മാഞ്ചസ്റ്റർ സിറ്റി.